[الزوج الليبي]
من اول يوم زواج همه الكبير ان يثبت لاهله و حواليه وخاصة " العزوز" امه انه متحكم في الوضع واسد في حوشه ..
[الزوج السوري]
من اول يوم يظهر لزوجته حبه امام العالم وخاصة اهله وكل همه اسعاد زوجته ..
[الزوج السورى]
يدخل البيت ببسمة وفى يديه الكنافة والبكلاوة من دون ما تطلب منه الزوجة
[الزوج الليبي]
يخش بشبه بسمة على اساس تاعب من الخدمة وتقدروا تقولوا حتى فى احسن حالاته بوزه شبرين وقالب زومته
[الزوج السوري]
لما مرضت زوجته ماتشوفي شر يا حياتي ريتو فيني انا
[الزوج الليبي]
كان مرته مرضت ولا قالت أي يقوللها ايوا هذا هو واخد عزوزة في السبعين يرزيني فيك ربي ياخدك ..
[الزوج السورى]
لسانه يقطر عسل امام اهله و خاصة امام والدته ويدخل ويديه في يدين زوجته ويجلس جنبها وعند الغذاء يوكلها بيديه
[الزوج الليبي]
لسانه يعرف كان النقد والملاحظات الجارحة وخاصة ,لو تموت مرته مايقوللهاش كلمة حلوة قدام اماليه او قدام الناس ويخش لحوش اماليه يااما مخلي مرته القدام بروحها يااما التالي بروحها وبينهم ميترو وفي وقت الغذاء ممكن جدا يمشي يقعمز بحدا امه ولا اخته وهمه بطنه بس
[الزوج السوري ]
يمسك يد زوجته ويقول لوالدته الله يا امي لو تعرفي اديش نفسها باالطبخ بيجنن ..
[الزوج الليبي ]
مايمس ايد حد ويقول بالله عليك يا حاجة علملنا المراة هذك البازين السمح راهي ماتعرفش اطيب
[الزوج السورى]
جلسات حلوة ودلع وفستق حلبي يوكلهولها بيده ياااى على هالحب
[الزوج الليبي]
ليله مقضيه بين الجماعة يلعب فى الكارته فى استراحة ولا حتى فوق عشب طريق الشط
[السورى ]
ياخد راى زوجته ويشاورها ويحسسها بكيانها
[الزوج الليبي]
ياخد رايه منه ليه مقتنع انه الراجل كلمته هى الى تمشي فى الحوش
[الزوج السوري]
عند السفر حبيبتي شو بدك جيبلك معي والله موهاين علي روح واتركك والله رح اشتاقلك كثير
ا[لزوج الليبي ]
ياريتها سفرة طول العمر نفتك منك ومن مشاكلك وتي لي حوايجي بسرعة خلي نقلب وجهي.. تلفة جدى خخخخخخخخخخخ
[الزوج السوري]
لما زوجته بتحط الغذاء يسلم دياتك حبيبتي يؤبرني اللي خلقك انا ما احلاك وما احلى طبخك
[الزوج الليبي]
قالب خليقته تي خير عمها صامتة الماكلة وخيرها هذي مالحة مااحلي طياب العزوز على طيابك )
[الزوج السوري]
تدلع مرته مابدى اكل على طول يجيها شو بكى تئبري عظامي والله ماباكل الا لا تجي جنبي
[الزوج الليبي ]
زوجته تدلع عليه ما عنديش نية ناكل على طول الرد جاهز خيرك قالبة وجهك هذا اللى فالحة فيه النكد على اصوله
[الزوج السورى ]
فى المناسبات السعيدة حبيبتى شو رايك بدك نروح لاهلك ولا عند اهلي الاول مو مشكلة حياتي ما اهلك هنى اهلى توبر البي ان شاء الله على هيك رجل
[الزوج الليبي ]
على طول وتي روحك ماشين لحوش الحاج تى من الاخير من غير
[الزوج السورى]
يشد يد مرته ويشوف فى عيونها اديش اشتقتلك يا حياتى طول ما انا فى الدوام
[االزوج لليبي ]
اول ما يخش يشد مانيليت الباب طاب الغذي ولا زي عوايدك مزال هذا فاش فالحين
==
ظهور نتائج المدرسة والصغار درجاتهم ضعيفة
[الزوج الليبي ]
تفضلي يافالحة هذم صغارك هذي ربايتك واحد طالعلى لخواله ويطلع بسرعة ويطربق هذك الباب كله كله يبي يلحق على عكسة الجماعة فى الاستراحة والقرمة ولا باش يخطف فى قرقارش ويكحل ولا فى الجرابة "يا حسرة على اياماته "ويعاكس ويلطش الماشية والجاية واووو شنى هالرجال تى يفدد يا جماعة الخير
[ الزوج السورى]
ماعليه حبيبتي لا تزعلي الاولاد بدهم شوية اهتمام اكيد انا قصرت معهم حاسس ان شغلي اخدني منهم ويقعد في البيت ويمشي الجو ويلطف الاجواء مع الصغار ويتفاهم معاهم تى ياااى شنى هالحن
==
في الصيف
[الزوج الليبي]
لمرته وتيلي عوالة الزردة طالع الجمعة الصبح بكري مع الجماعة للبحر
[الزوج السوري ]
حبيبتى شو رايك بكرى نطلع نتمشى عالبحر الجو كثير رايق حابب نرجع ايام الخطوبة
[الزوج الليبي ]
لو صار بينهم سوء تفاهم او مشكلة بسيطة طول يبدا عاد يسمعها هذك الكلام .. الواحد مش عارف شنى بيدير يسكت وخلاص
[الزوج السوري]
طيب اهدي حبيبتي خلينا نتنائش ونتفاهم مافي مشكلة الا والها حل
[الزوج الليبي]
اول ما ينوض من النوم راسه يوجع فيه يبي القهوة والسبسي رياضى
[الزوج السوري]
وجهه بشوش وصباح الخير حبيبتي ونمتي منيح يا البي وشو حتساويلنا ع الفطور اليوم من دياتك الحلوين(هذا واحد يتصبحوا فيه ولا بلاش)
وتمضى الحياة ولو حدث أي اعتراض من الزوجة رد الزوج الليبي خيرك شنى ناقصك..
ماكلة وشراب وحوش يردح فيه الفيل شنى تبى يقولوا عليا الناس
